ขอเชิญร่วมตอบคำถาม

สวัสดี วันนี้ ไปแอ่ว สวท.เจียงใหม่ มาเจ้า

b]สวัสดีเจ้า ........................
ต่ะคืน เปิ้นโทรโตวมาเยี้ยะก๋าน เช้านี้ ( ข้าเจ้า เป๋นสาวโสด--บ่ามีพันธะ --บ้านอยู่ใกล้ ฮ้องปุ๊บ...หลับไปตื่น เจ๊านี้ก่ามาขึ้นเวรปั๊บ ) เด็ดลำไย ปอบ่าตัน........
ต่ะเจ๊า เจ๊ามั่กๆ ซักหกโมงเกิ่ง เอาลำไย มีเบี้ยวเขียว สูนกับ สีจุมปู เปาะกั๋นแล้ว ซัก สองกิโลกรัม ปั๋นกั๋นกิ๋น...ท่านพ่อเก็บหื้อ ---ท่านแม่ เอาใส่ ชะลอม หื้อ ส่วนข้าเจ้า ขับรถ จาก สาหระปี เอาไปฝาก ( วิธี กิ๋นลำไย เปิ้นห้ามฮ้องว่า บ่า--ลำ--ไย มันจะ บ่าลำ โดย บ่าหื้อ เจ็บปาก เจ็บลิ้น เปิ้นหื้อ แกะเปลือก ก่อนเอา ใส่ปาก บ่าดีเอา ปากแงะเปลือกมัน เน่อเจ้า ดีเจ ) กิ๋นเป๋น กิโลกรัม ก่าตึงบ่าเป่นหยัง ยกเว้น น้ำต๋าน ในเลือด จะสูง ...อิ้
สีท่า ว่า ข้าเจ้า จะไป สถานี วิทยุเจ๊าล้ำไป บ่ามีไค๋อยู่เลยเน่อ ดีเจ !! เตวเข้าไป ใน สถานี วิทยุ จ๋นปอ ทะลุ ไป ตางหลัง เกือบจะขึ้น บันได ไปชั้นบน ก่ากั่วเปิ้นว่า ข้าเจ้า บุกรุก ยามเช้าตรู่ นึกว่า จะมี อ้ายยาม หื้อฝากของ--มีแต่ตู้ยาม เน่อเจ้า มีอ้าย ตางตึก เทคนิค เปิ้น ตบมือใส่ ว่า เข้าไป ตางปู้น อิ้ก้า ??? .....บ่าเจอไค๋ เลย ซักคน -- แล้วข้าเจ้า ก่าบ่าได้เกียมเขียนฝาก แล้วฝั้งมา เยี้ยะก๋าน เวรเจ๊า .... จะนั่งรอ ดีเจ ก่าบ่าฮู้ว่า จะมากั๋นกี่โมง ก่าเลย เขียนฝากของแบบ บ่ามีศิลปะ ฝากวางไว้ ที่โต๊ะเซ็นต์ชื่อ ทำงาน...ข้าเจ้าโทรศัพท์ ไป ที่สถานี หลัง 10:00 น .ก่า บ่ามีคนฮับสาย จะโทรแจ้งดีเจ ก่ากั๋วบ่าตื่น .....
เดว จะโทรหา พี่เดือน แห๋มกำ ...ตี้เยี๊ยะก๋าน อ้ายดีเจ มีกล้อง วงจรปิด ก่อนั่น ??? ข้าเจ้า สาวชุดดำ หิ้วชะลอม ท่าทาง เลิ่กลั่ก ช่วง หกโมงเจ๊า วัน อาติ๊ดนี้ ..บ่าได้เข้าไป แอบวาง ระเบิดเน่อเจ้า ..แจ้งไว้เป๋นหลักฐานก่อน
ข้าเจ้า เข้าใจ๋แล้วว่า ถ้าไป สถานี ต๋อนเดิกๆ จะสามารถ ไปงม ดีเจ ได้จะได อิ้อิ้
ป.ล.ลำไย สองกิโลกรัม ปั๋นหานักแต้ต้าเฮา !


ป.ล. พิมพ์เสร็จ ส่ง มันหายเจ้า... บ่าเด่ว หลวกขึ้น เล็กน้อย คัดลอกไว้ก่อน....... เซ็งเป็ดเลยเฮา!!!!

หนูปาร์ ( พจมาน บ้าน สาหระปี เจ้า ) 61.19.199.142 [ 27 ก.ค. 2551 เวลา 13:15 น. ]



 
ขอเชิญร่วมตอบคำถาม
 
ความคิดเห็น
โดย
E-mail
ส่งไฟล์ภาพ (ขนาดไม่เกิน 600 pixels, 200 Kb)
แทรกลิงค์ URL แทรกรูป ย่อหน้า ตัวหนา ตัวเอียง เส้นใต้ สีแดง สีเขียว สีน้ำเงิน สีส้ม สีชมพู สีเทา


คลิกที่รูป เพื่อแทรกรูปลงในข้อความ
 
 รหัส Post : 
 
 
 

[ ปิดหน้าต่างนี้ ]

[ เข้าหน้าหลักเว็บบอร์ด ]